http://www.youtube.com/watch?v=_NuEwGwQS3c
بعد مشاهدة الفيديو ده......
عندي سؤال بالله عليكم اللي يعرف اجابة يجاوبني؟!!!
ليه بقينا نتريق على اسمى المشاعر ومنها حب بلدنا؟!!!
هو احنا توهنا من شوية ....
استهتار بالمشاعر ،استهتار بالقيم استهتار بالمبادئ،هواء.
مخدرات ،وضياع واهي عيشة والسلام.
مفيش معاني ...مناظر من برة وهواء من جوة.
البنات بتتزين للجواز والشباب بيتروشنه للبنات.
بيتريقوا على زمان ،وايام زمان، ومشاعر زمان ،وقيم زمان.
والله حزينة من قلبي حاولت انسجم مع الواقع واقول مش مهم،
لكن مش قادرة اكمل ومش عارفة اعمل حاجة.
نبتدى منين؟ نساعدهم ازاى؟ من غير مانحس بالتفرقة ،ولا الانفصام
،ولا نوضع فى قالب ارشادات وتعليمات ولا نتنمط ولا نتلقب.
*بحلم بالمعادلة تتحل ونوازن الدين والدنياوالاهداف:
-مش يكون شباب متدين فى عالم لوحده لأنه لو رجع لاصحابه ها يشدوه تاني.
-وشباب ضايع ويضيع اللي يقرب منه عشان نكون كلنا فى الهوا سوا.
-وشباب عايش لهدف بيحققه وينقسم لثلاث:
- جزء يحقق هدفه ويلتحق بالنوع الاول.
- وجزء يصطدم بالواقع ويشعر بالانهزام وبلحق النوع التاني.
- وجزء اخير وده نادر لانه لو كتير كانت مصر بقت زي الصين على الاقل.
"وطبعا ده اللي بيوفق بين الدين والواقع والاهداف"
*بحلم بحكماء البلد دي وما اكثرهم يتحركوا ويساعدوا بحل المشكلة.
يمكن ببالغ....يمكن.
يمكن بحلم...يمكن .
بس الاكيد ان البلد دي فيها خير وشبابنا فيه خير محتاج يستغل،
محتاج يتوجه صح محتاج نية صادقة فى الاصلاح.
ودلوقتى ومن غير خجل:-
" بحـــــــــــــــــــــــــــــــبك بابلدي بعيوبك قبل مميزاتك"
"بحب اهلك الطيبين وشبابك اللي لما حد بيصحصحه من الغفلة بيقوم"
*اعمل ايه بحبها
